HADI Nazari, një student 23-vjeçar i mjekësisë, u gjet i gjallë pasi u zhduk 13 ditë më parë, më 26 dhjetor të vitit të kaluar, teksa po ecte në parkun kombëtar Kosciuszko të Australisë.
Pasi u nda nga miqtë e tij për të fotografuar peizazhin, ai humbi në rajonin e maleve të dëborës.
“Dita me e lumtur e jetes time”
Kërkimi, i cili përfshinte qindra vullnetarë, duke përfshirë miqtë dhe familjen e studentit të zhdukur, zgjati pothuajse dy javë. Ai u shpëtua nga një grup alpinistësh që e gjetën sot pranë Liqenit Blu, rreth 10 kilometra larg kampit ku duhej të takonte miqtë e tij.
Sipas Superintendent Andrew Spliet, Nazari ishte i dehidratuar, por i vetëdijshëm dhe jo i plagosur rëndë. Ambulanca e ka transportuar menjëherë me helikopter në spital për ekzaminim shtesë.
Nazari mbijetoi me dy shufra drithi të gjetura në një kasolle malore, manaferrat dhe ujin nga një përrua. Spliet vlerësoi shkathtësinë dhe këmbënguljen e tij dhe theksoi se ai kishte përshkuar një distancë të konsiderueshme në kushte të vështira.
Familja e tij, dukshëm e prekur, tha se kjo ishte “dita më e lumtur e jetës së tyre”. Operacioni i shpëtimit përfundoi me sukses pavarësisht kushteve sfiduese të motit dhe terrenit të kërkuar. Policia do të flasë me Nazarin pasi ai të përfundojë shërimin në spital për të zbardhur të gjitha rrethanat e zhdukjes së tij.
