Në Ferizaj u mbajt një debat për artin e skulpturës, por me këtë rast në kuadër të ekspozitës “Skulp Fer” u shpërblyen edhe skulptorët më të mirë.
Skulptura moderne në Kosovë ka qenë tema e debatit të zhvilluar në përmbyllje të ekspozitës të skulpturës “Skulp Fer” të mbajtur në Ferizaj. Në debat u tha se ka nevojë shumë më shumë të promovohet ky lloj arti.
“Ka tepër nevojë për arsye se ne kemi mjaft hapësira të gjelbrat dhe ato hapësira kishte me qenë mirë në eksterier të plotësohen me skulpturën moderne me materiale të ndryshme si janë siç është në guri metal dhe bronz”, tha Mal Myrtaj, skulptor.
“Kosova ka skulptorë të talentuar dhe që punojnë në zhanrin e skulpturës bashkëkohore. Ajo që mungon është promovimi ose përkrahja që të promovohen ato vepra ose për t’i vendosur nëpër ambiente publike ku kishin me qenë të qasshme për publikun”, tha Jetullah Sylejmani, artist.
Skulptura e Bilbil Mazrekut dhe e Arton Behramit ndan çmimin e parë në këtë ekspozitë. Ndërsa skulptura me titull “Leotrimi” e autorit Sabri Behramaj u shpall më e mira nga ana e publikut.
“Ky aktivitet që tani ka marr përmasa ndërkombëtare tash të jep mundësinë që ne artistët të jemi ambasadorë më të mirë të artit dhe të gërshetimit të skulpturave duke qenë një urë lidhëse midis Shqipërisë, Maqedonisë së Veriut dhe gjithë trevave të tjera në Ballkan”, tha Bilbil Mazreku, fitues i çmimit të parë.
“Ndihem shumë i vlerësuar sa i për këtë çmimit edhe besojë që kjo ka me qenë vazhdimësie e imja dhe shtytje për të vazhduar më tepër me prodhuar ose për të me krijuar vepra të artit ma konkretisht skulpturë”, tha Arton Behrami, fitues i çmimit të parë.
Nga ky vit ekspozita me skulptura “Skulp Fer” tash e tutje do të mbahet çdo vit.
