Policia Rajonale e Ferizajt ka ndërmarrë një sërë aktivitetesh brenda një jave në këtë rajon.
Përmes një njoftimi nga policia, thuhet se gjatë javës që shkoi, nga data 06 deri më 12.01.2025 janë raportuar 16 raste të vjedhjeve.
Prej 16 rasteve të raportuar, 11 raste janë raportuar në Ferizaj, tri raste në Kaçanik, një rast në Shtërpcë dhe një rast në Hani Elezit.
Po ashtu, thuhet se janë raportuar gjashtë raste të dhunës më familje, prej tyre tri raste në Ferizaj, dy raste në Shtime dhe një rast në Shtërpcë.
“Në rajonin e Ferizajt policia ka arrestuar 42 persona të kërkuar me urdhëresa të gjykatave kompetente për vepra të ndryshme penale dhe kundërvajtëse”, ka njoftuar policia.
“Ftojmë qytetarët që të bashkëpunojnë më policinë. Për të gjitha rastet kriminale, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192,0290/326-250 & 0290/322-406. Të dhënat e juaja do të ruhen në konfidencialitet të plotë”.
