Kandidati i Partisë Demokratike të Kosovës për kryeministër, Bedri Hamza përmes një video të publikuar ka bërë zotimin se përkrahja për të gjitha kategoritë e luftës do të rritet për 50%.
“Atyre që sakrifikuan gjithçka për lirinë dhe pavarësinë e shtetit tonë do t’u ofrohen mundësi më të mira dhe të ardhura më të larta”, ka thënë Hamza.
Hamza ka theksuar se po ashtu, veteranët nuk do të kenë më nevojë të zgjedhin mes pagës dhe pensionit, sepse do t’u mundësohet ta mbajnë vendin e punës dhe në të njëjtën kohë ta gëzojnë pensionin e merituar.
