Kryetari i LDK-së, Lumir Abdixhiku, vizitoi fshatin Mramor të Prishtinës, ku u prit nga një turmë entuziaste edhe në orët e vona të mbrëmjes. Abdixhiku e cilësoi pritjen si një moment të veçantë, duke theksuar lidhjen e pandashme mes LDK-së dhe qytetarëve.
“Pa fjalë! LDK dhe populli tashmë janë një,” u shpreh ai duke falënderuar mbështetësit për përkushtimin dhe energjinë e tyre në kthimin e LDK-së në vendin meritor në skenën politike.
Ai përmbylli fjalimin e tij me mesazhin se e ardhmja e Kosovës është e bukur dhe premtoi angazhimin maksimal të partisë në këtë kohë vendimtare për Republikën. /Kosovatimes/
