Partitë politik “djegin” qindra mijëra euro nga dënimet për shkeljen e kodit të mirësjelljes

Forcat politike në fushatën zgjedhore kanë “djegur” qindra mijëra euro nga gjobat si pasojë e gjuhës nxitëse dhe urrejtjes mbi baza politike në tubime por edhe komente në rrjetet sociale.  Numri i madh i ankesave është bërë edhe nga forcat politike në qeverisje LVV ndaj subjekteve opozitare. Përderisa këta të fundit kanë parashtruar njëjtë dhjetëra ankesa ndaj koalicionit qeverisës. Paneli Zgjedhor për Ankesa dhe Parashtresa (PZAP), ka shqiptuar me mijëra euro dënime për subjektet politike që kanë shkelur Kodin e Mirësjelljes. Sipas kalkulimeve nga denimet qe nga fillimi i fushates  LVV do te duhet të shpenzojë 162 mijë euro, Partia Demokratike e Kosovës 156 mijë euro, Lidhja Demokratike e Kosovës 117 mijë euro dhe Aleanca për Ardhmërinë e Kosovës 56.200 euro.  Prapa tyre janë edhe subjekte tjera si Koalicioni për Familje 26,100 euro ku ndaj saj kryesisht ankesa kanë parashtruar nga segmente të shoqërisë civile. Nën masa dënimi janë gjetur edhe partitë e minoriteteve si Lista serbe me 17.500 euro , Partia Kosovski srbi 7.200 euro, IRDK 3.000 , Partia Liberale egjiptiane 3.000 euro, Demokracia serbe 40.000, Koalicioni Vakat 1.500, PAI 1.000 dhe Sloboda i Pravda 3.500 euro. Kwtyre subjekteve do tu duhet tw ndajnw hiset e tyre nga fondi pwr mbwshtetjen e partive politike pwr tw paguar kwto gjoba.  Nga Fondi për Mbështetjen e Subjekteve Politike, Lëvizja Vetëvendosje, si subjekti më i madh politik, përfitoi 2.2 milionë Euro.Partia Demokratike e Kosovës mori mbi 760 mijë Euro, pasuar nga Lidhja Demokratike e Kosovës me 640 mijë Euro dhe Aleanca për Ardhmërinë e Kosovës me 320 mijë Euro.Dhjetë partive të tjera të përfaqësuara në Kuvend iu ndanë nga më pak se 100 mijë Euro./ Kosovatimes.info