Kryetari i Lidhjes Demokratike të Kosovës (LDK), Lumir Abdixhiku, ka falënderuar votuesit dhe aktivistët për angazhimin e tyre në zgjedhjet e fundit duke theksuar se e sheh me krenari rrugëtimin e deritanishëm të partisë.
Në një deklaratë publike, Abdixhiku tha se rritja e LDK-së ofron mundësi për organizim më të mirë të brendshëm, por e pranoi se rezultati aktual nuk është i mjaftueshëm për ndryshimin e madh që synon partia.
“Do të ketë dritë!” – theksoi ai duke shprehur keqardhje për mosarritjen e një fitoreje më të thellë, por edhe vendosmërinë për të vazhduar punën. Ai theksoi se LDK do të dalë me qëndrime politike pas përfundimit të numërimit të votave, veçanërisht atyre nga diaspora. /Kosovatimes/
