Kryetari i Partisë Liberale Egjiptiane (PLE), Veton Berisha, ka shpallur partinë e tij si fituese brenda komunitetit Egjiptian në zgjedhjet e fundit, duke pretenduar se Iniciativa e Re Demokratike e Kosovës (IRDK) ka marrë vota të gabuara nga votues të komuniteteve të tjera.
Sipas Berishës, IRDK ka përfituar nga renditja e saj në listën zgjedhore, pasi numri i saj 111 është i pari në listë, dhe shumë votues, duke menduar se po votojnë një kandidat tjetër, përfunduan duke votuar edhe për këtë parti. Ai ka publikuar një tabelë ku pretendon se 866 vota të IRDK-së janë nga persona jo-Egjiptianë dhe se kjo është reflektuar në shkolla ku nuk ka votues të komunitetit.
“Për PLE-në, ky rezultat na bën fitues të këtyre zgjedhjeve dhe do të jemi pjesë e Kuvendit të Kosovës. Tani presim edhe votat e diasporës,” ka deklaruar Berisha.
Me këtë rezultat, PLE synon të sigurojë përfaqësimin në institucionet e Kosovës, ndërsa mbetet të shihet si do të ndikojnë votat e diasporës në rezultatet përfundimtare. /Kosovatimes/
