Presidenti i Ukrainës, Volodymyr Zelensky do të zhvillojë sot bisedime me presidentin turk, Recep Tayyip Erdogan.
Të dy krerët do të diskutojnë një sërë temash në Turqi, me zhvillimet e fundit në bisedimet e paqes që ka të ngjarë të jenë një temë qendrore.
Takimin e ka konfirmuar edhe zëdhënësi i zyrës së presidentit turk, Fahrettin Altun, duke theksuar se presidenti ukrainas po viziton Turqinë me ftesë zyrtare të Rexhep Tajip Erdogan.
“Gjatë takimeve do të diskutohen të gjitha aspektet e partneritetit strategjik midis Turqisë dhe Ukrainës dhe do të diskutohen hapat e nevojshëm për forcimin e mëtejshëm të bashkëpunimit midis dy vendeve”, tha Fahrettin Altun.
Në tre vitet e fundit, që nga fillimi i agresionit rus kundër Ukrainës, marrëdhëniet ekonomike midis Kievit dhe Ankarasë janë përmirësuar ndjeshëm.
