Në mbrëmjen e së mërkurës në kafenen “Shesh-Besh në Donetsk, është plagosur sh-drejtori i përgjithshëm i Roscosmos Dmitry Rogozin teksa po festonte ditëlindjen e tij nga një granatim, raporton kanali telegram Typical Donetsk.
Sipas RIA Novosti, Rogozin u plagos, por është jashtë rreziku për jetë.
RUPTLY publikoi pamjet e pasojave të shpërthimit, duke treguar të paktën një të vdekur.
Sipas informacioneve të pa verifikuara, truproja e kryetarit të qeverisë së të ashtuquajturës “Republika Popullore e Donetskut” Vitaliy Khotsenko vdiq dhe vetë Khotsenko u plagos. Baza raporton të paktën pesë viktima nga granatimet.
Drejtori i Përgjithshëm i Roscosmos Dmitry Rogozin, i cili drejtoi korporatën shtetërore që nga maji 2018, u shkarkua nga posti i tij korrikun e kaluar. Në vjeshtë, Rogozin njoftoi se do të shkonte në zonën e të ashtuquajturit “operacion special ushtarak”, ku do të drejtonte një grup të caktuar ekspertësh, qëllimi i të cilit ishte të ofronte ndihmë ushtarako-teknike për njësitë e ushtrisë ruse. .
Më 21 dhjetor, Rogozin mbushi 59 vjeç.
