“Më datën 07.03.2025  rreth orës 18:00 Policia e Kosovës është njoftuar nga KFOR-i amerikan se në fshatin Banjskë, në një mulli te vjetër (të braktisur) kishin hasur në mjete të dyshimta. Njësitë policore menjëherë kanë reaguar në lidhje me këtë rast ku më pas kanë konfiskuar mjetet e dyshimta si në vijim: Uniforma ushtarake, 3 gjoksore për mbajtje te armatimit, 1 palë pantallona, 3 jakne, 1 maicë, 3 granata dore, 3 karikator te zbrazet te armës së gjatë, 2 shok bomba, 1 bombë ndriquese dhe 28 fishekë të armës së gjatë”, thuhet në njoftimin e policisë.

Tutje theksohet se në vendin e ngjarjes kanë dalur të gjitha njesitë relevante policore dhe të gjitha veprimet e ndërmarra i janë paraqitur Prokurorit të Shtetit i cili ka urdhëruar inicimin e rastit ‘’Mbajtja në pronësi, kontroll ose posedim i pa autorizuar të armëve’’.

Vetëm pak ditë më parë, Policia e Kosovës në fshatin Rodel të komunës së Leposaviqit po ashtu zbuloi dhe konfiskoi një arsenal të municionit dhe të uniformave të ndryshme. Me atë rast, në një konferencë për media, ministri i Punëve të Brendshme, Xhelal Sveçla ka theksuar se pajisjet e zbuluara dëshmojnë se strukturat paralele të organizatës terroriste serbe “Civilna Zastita” vazhdojnë të jenë aktive në territorin e Republikës së Kosovës.