Unioni i Bashkive Shqiptare në Rajon dhe Komuna e Tuzit në nder të 7e 8 Marsit organizuan në Tuz “Forumin e gruas shqiptare në rajon” për të promovuar modelet frymëzuese dhe forcuar bashkëpunimin në aspektin politik, ekonomik, kulturor dhe ajo që është shumë e rëndësishme sektorin e turizmit!
Ngjarjes i parapriu mbrëmja gala ku u nderuan personalitete të ndryshme me medaljen e mirënjohjes në fusha specifike nga Zëvendëskryeministri i Malit të Zi z.Nik Gjeloshaj,Kryetari i Komunës së Tuzit z.Lindon Gjelaj dhe Unioni i Bashkive Shqiptare në Rajon kryetarja Andriola Kambo. Në mesin e tyre edhe gazetaret Alketa Gashi Fazliu RTK dhe Genta Popa Prodani Top Channel.
Aktiviteti vazhdoi edhe më 8 mars në Kuvendin Komunal të Tuzit ku u mbajt Forumi me tri panele diskutuese (Paneli politik, ekonomik dhe ai kulturor) nga ku zonjat nga i gjithë rajoni shkëmbyen përvojat dhe idetë e tyre në fusha të ndryshme!
