Presidentja e Kosovës, Vjosa Osmani, ka njoftuar se ka zhvilluar një takim të rëndësishëm me Këshillin e Atlantikut të Veriut (NAC), ku u diskutua për zhvillimet aktuale në Kosovë dhe rajon.
Ajo ka theksuar angazhimin e Kosovës për vlerat euroatlantike dhe bashkëpunimin me NATO-n, duke përmendur rolin kyç të aleatëve në sigurinë e Kosovës dhe të gjithë rajonit.
“Një takim jashtëzakonisht i rëndësishëm në një moment vendimtar me Këshillin e Atlantikut të Veriut (North Atlantic Council – NAC). Patëm një diskutim përmbajtësor rreth zhvillimeve në Kosovë e rajon dhe riafirmova përkushtimin e Kosovës ndaj vlerave euroatlantike dhe bashkëpunimit me NATO-n. Forcat e NATO-s kanë rol të rëndësishëm për sigurinë jo vetëm në Kosovë, por në të gjithë rajonin tonë, prandaj si partnere serioze e kredibile, Kosova do të vazhdojë të kontribuojë për paqen e stabilitetin afatgjatë”, ka shkruar presidentja Osmani.
