Milorad Dodik po punon për të çmontuar Marrëveshjen e Paqes të Dejtonit dhe për të minuar 30 vjet paqe të brishtë në Ballkan, paralajmëroi kongresmeni republikan amerikan Mike Turner në Rrjetin X.
Turner më tej thotë se Dodik po i drejtohet Presidentit të Rusisë.
“Tani ai po i drejtohet Vladimir Putinit për të destabilizuar më tej rajonin – duke sfiduar procesin gjyqësor dhe duke kërcënuar se do të shkëputet Republika Srpska nga Bosnja dhe Hercegovina”.
Nuk mund t’i lëmë të kenë sukses. “Si kryetar i delegacionit të SHBA-së në NATO, është detyrë e SHBA-së dhe aleatëve tanë të avancojnë paqen dhe stabilitetin në Bosnje dhe Hercegovinë”, tha Turner.
Kujtojmë se senatorët amerikanë Chuck Grassley dhe Jeanne Shaheen po udhëheqin një iniciativë të Kongresit për veprim urgjent diplomatik për mbrojtjen e sovranitetit të Bosnjë-Hercegovinës, ku thuhet qartë se veprimet antikushtetuese duhet të ndalen!
Senatori Jim Risch , kryetar i Komitetit të Marrëdhënieve me Jashtë të Senatit të SHBA, i është bashkuar gjithashtu nismës, e cila përfshin një letër zyrtare për Sekretarin e Shtetit Marco Rubio. Letra është nënshkruar nga senatorët Charles E. Grassley , Jeanne Shaheen , James E. Risch dhe Richard J. Durbin , katër nga senatorët më të fuqishëm.
