Drejtori gjeneral i Caritas Kosova, Don Viktor Sopi ka uruar të gjithë qytetarët e Kosovës, për festat e fund vitit.
Don Viktor Sopi, në urimin e tij, ka falënderuar të gjithë bashkëpunëtorët e tij, që kanë mundësuar implementimin e projekteve të tyre, ai gjithashtu ka uruar të gjithë besimtarët e katolik për festën e krishtlindjes,
“Dëshiroj të urojë festën e krishtlindjes të gjithë atyre që i gëzohen jetës, sepse nga Betlehemi na vjen ajo ngrohtësi, shpresë e jetës për të jetuar për të tjerët, sepse vetëm atë që e bëjmë për të tjerët, na sjellë ngrohtësi dhe entuziazëm për atë veprim që e dëshmon në jetën e tyre,”, ka thënë Sopi.
“Jemi në mbarim të vitit 2022, dhe falënderojmë të gjithë ku Caritas Kosova është prezent me implementimin e projekteve të cilat drejtpërdrejt i shkojnë në favor të njeriut të kategorive të ndryshme”, thotë Sopi.
“Dëshiroj që t’i falënderoj bashkëpunëtorët e mi dhe përfituesit të cilët kanë shpreh ngrohtësi njerëzore në momente të caktuara ku jemi takuar si përfitues të projekteve, ku kanë shpreh falënderim për donatorët në vend dhe jashtë vendit, të cilët kanë ndihmuar që njerëzit në nevojë të ndihen mirë”, shprehet ai.
Ai tregon se, do të fokusohen në të gjitha fushat ku Caritas Kosova është prezent në Kosovë, për të ndihmuar fëmijët në edukimin dhe rritjen e tyre, ku janë qindra fëmijë për të cilët kanë projekt dhe që e menaxhojnë e stimulojnë rritjen e tyre.
“Dëshiroj të theksoj se Caritas Kosova në të gjitha fushat do të jetë prezent në favor të njerëzve në nevojë edhe në vitin 2023. Po ashtu dëshiroj të uroj festën e Krishtlindjes të gjithë atyre që i gëzohen jetës, sepse na vjen ajo ngrohtësi, shpresë e jetës për të jetuar për të tjerët. Sepse atë që e bëjmë për të tjerët sjellë ngrohtësi dhe entuziazëm”, thotë Sopi.
Ai tregon se Caritas Kosova në vitin 2022 ka menduar për të varfrit.
“Mbi 100 shujta ka shpërnda çdo ditë në Prishtinë dhe rajone të tjera”, shprehet ai.
Ai thotë se misioni i Caritasit po vazhdon falë bashkëpunëtorëve, njerëzve të vullnetit të mirë me aq sa ka mundësi dhe dashuri të madhe për të ndihmuar njerëzit e vendit tonë.
“Gëzuar Krishtlindjet dhe uroj që viti 2023 të jetë vit i paqes, i shpresës, i solidaritetit, vit i mirëkuptimit, i faljes dhe dashurisë”, thotë në urimin e tij Don Viktor Sopi.
