VIDEO: Rusia kryen një nga sulmet më të mëdha me dron në një qytet të Ukrainës

Rusia kreu “sulmin më të madh në vitet e fundit” në Kropivnitsky, një qytet në rajonin e Kirovohrad, njoftoi mbrëmë guvernatori rajonal Andriy Raykov.

Sipas policisë, të paktën 10 persona kanë mbetur të plagosur, mes tyre katër fëmijë. Disa viktima u shtruan në spital. Njëri prej të plagosurve, i cili ndodhet në gjendje kritike për jetën, ka pësuar djegie mbi 90% të trupit.

Sulmet gjithnjë e më të shpeshta me dron

Rajkovi tha se më shumë se 20 dronë rusë u qëlluan në qytet gjatë natës, duke goditur shtëpi dhe ndërtesa banimi. Nga sulmi u dëmtua edhe infrastruktura hekurudhore dhe shërbimet e emergjencës po punojnë aktualisht në vendngjarje.

Kropivnytskyi, një qytet me një popullsi prej rreth 220,000 banorësh, është qendra administrative e Oblastit Kirovohrad në Ukrainën qendrore.

Rusia ka kryer rregullisht sulme me dronë në qytete të ndryshme në Ukrainë që nga fillimi i pushtimit në shkallë të plotë. Sulmet me dronë janë bërë më të shpeshta muajt e fundit, me Rusinë duke përdorur 150 deri në 200 dronë gjatë sulmeve.

Sipas Vadym Skibitsky, nënkryetar i shërbimit të inteligjencës ushtarake të Ukrainës (HUR), forcat ruse planifikojnë të rrisin numrin e dronëve për sulm ajror në 500, gjë që ai deklaroi në një intervistë me RBC Ukraine, të botuar më 3 mars.