Ka përfunduar vizita e ish-presidentit Thaçi në familjen e tij në Burojë.
Thaçi nga këtu do të vazhdojë në EULEX, ku pritet që të qëndrojë edhe gjatë ditës së nesërme.
Gjatë vizitës treorëshe, Thaçit i është lejuar të takojë vetëm nënën dhe bashkëshorten.
Para vizitës në shtëpi te familjarët, Thaçi ka qëndruar te varri i babait të tij, Haxhi Thaçi, ku ka bërë nderime dhe ka vendosur një kurorë me lule.
Gjykata Speciale ka konfirmuar se Thaçit i është aprovuar vizita për të bërë nderime dhe për të qëndruar me familjarët e tij të ngushtë pas vdekjes së babait.
