Presidenti amerikan Donald Trump tha dje se ai planifikon të vizitojë Arabinë Saudite që në maj për të nënshkruar një marrëveshje investimi në udhëtimin e parë jashtë vendit të mandatit të tij të dytë, me vizita të planifikuara edhe në Katar dhe Emiratet e Bashkuara Arabe.
“Mund të jetë muajin tjetër, ndoshta pak më vonë”, u tha Trump gazetarëve në Zyrën Ovale.
Katër burime të informuara për këtë çështje thanë se mesi i majit po konsiderohet si koha më e mirë për të udhëtuar. Trump bëri Arabinë Saudite dhe Izraelin ndalesat e para në udhëtimin e tij inaugurues jashtë vendit gjatë mandatit të tij të parë në 2017.
Trump, duke përsëritur komentet që bëri në fillim të marsit, tha se udhëtimi i tij në Arabinë Saudite do të kishte të bënte me nënshkrimin e marrëveshjeve për të investuar miliarda dollarë në ekonominë amerikane, duke përfshirë blerjen e pajisjeve ushtarake. Ai sugjeroi që marrëveshje të ngjashme do të nënshkruheshin në Katar dhe Emiratet e Bashkuara Arabe.
“Në ato dy apo tre ditë, do të krijohen vende të mëdha pune”, tha Trump.
Ai premtoi se do t’i shtonte më shumë toka marrëveshjes së Abrahamit
Tema të tjera që mund të diskutohen përfshijnë luftën trevjeçare të Rusisë në Ukrainë dhe luftën në Gaza, tha një burim.
“Mundësia për udhëtim ndërkombëtar për presidentin është diçka që po merret në konsideratë. Ne nuk kemi ende një plan konkret dhe do ta japim atë informacion kur të jetë zyrtar”, tha një zyrtar i Shtëpisë së Bardhë përpara deklaratës së Trump.
Javën e kaluar, Trump premtoi të shtojë më shumë vende në Marrëveshjen e Abrahamit, një seri marrëveshjesh normalizimi që administrata e tij negocioi midis Izraelit dhe disa vendeve të Gjirit gjatë mandatit të tij të parë.
Trump tha se më shumë vende duan t’i bashkohen marrëveshjes. Ndërsa Shtëpia e Bardhë ka veçuar Arabinë Saudite si një pjesëmarrëse të mundshme në marrëveshje, sauditët kanë rezerva ndaj Izraelit për shkak të luftës në Gaza.
