Policia e Kosovës ka vazhduar me veprimet e saj të rregullta në terren gjatë ditës së premte, duke shqiptuar gjithsej 2,345 gjoba për kundërvajtje në trafik.
Në të njëjtën ditë janë regjistruar 40 aksidente trafiku në nivel vendi – 14 prej tyre me të lënduar, ndërsa 26 me dëme materiale.
Po ashtu, gjatë 24 orëve të fundit, 16 persona janë arrestuar, nëntë prej tyre janë dërguar në mbajtje, ndërsa një person është dërguar për të vuajtur dënimin. 
