Uran Ismaili, përfaqësues i Partisë Demokratike të Kosovës, tha se Kosovës i nevojitet themelimi sa më i shpejtë i institucioneve shtetërore, sidomos pas procesit të, siç u shpreh ai, të stërzgjatur të numërimit të votave.
“Sot këtu jam përfaqësues i Partisë Demokratike të Kosovës, në një mbledhje, që është paraparë sipas rregullores së Kuvendit për të bërë hapat e duhur që ta kemi Kuvendnin e Kosovës, të kemi themelimin e institucioneve të vendit”, tha Ismaili.
Ai shtoi se me 15 prill duhet të japim kontributin që të fillojë konstituimi i Kuvendit dhe pastaj të fillojmë me hapat tjerë që janë procedural, ligjor, kushtetues.
I pyetur nga gazetarët për postin e kryetarit të Kuvendit, Ismaili tha se ky post i takon partisë së parë që të krijojë kushtet për votimin e kryetarit të Kuvendit dhe për votimet tjera.
