Prezantuesja italiane Eleonora Daniele mori lajmin për vdekjen e Papa Françeskut teksa drejtonte emisionin live dhe asaj iu desh pak kohë për t’ia dhënë lajmin shikuesve të televizionit Rai1 dhe të ftuarve në studio, të cilët ishin mjaft të tronditur.
Gjegjësisht, pas lajmit për vdekjen e Papa Françeskut, në internet ka filluar të qarkullojë një regjistrim i emisionit televiziv Rai1 “Storie Italiane”, veçanërisht reagimet e prezantueses Eleonora Daniele.
Rai dhe Mediaset ndaluan menjëherë të gjitha transmetimet për të bërë të ditur lajmin dhe e para që e bëri këtë ishte Eleonora Daniele, e cila u trondit dukshëm.
Nuk munguan as probleme teknike ku në sfond dëgjoheshin zëra, e më pas mysafirë të hutuar të cilët pyesnin: “Vdiq Papa?!”.
Daniele më pas vazhdoi fjalën e saj, duke theksuar se Papa Françesku ishte një njeri që i foli botës për dashurinë, paqen dhe guximin.
“E bëri deri ditën e fundit”, përfundoi ajo.
