Katër raste të dhunës në familje janë raportuar brenda 24 orëve të kaluara në vendin tonë.
Sipas njoftimit të policisë rastet kanë ndodhur në Prishtinë, ku një mashkull pas një mosmarrëveshje ka sulmuar fizikisht prindin e tij e viktima ka pranuar tretman mjekësor ndërsa i dyshuari me vendim të prokurorit është dërguar në mbajtje.
Ndërsa në Vushtrri, ankuesja femër kosovare që jeton jashtë vendit, përmes aplikacionit ka njoftuar policinë se sistematikisht ka pasur dhunë nga bashkëshorti i saj i dyshuari mashkull kosovar. Sipas ankueses e njëjta për shkak të dhunës është larguar nga Kosova për të jetuar jashtë vendit. I dyshuari është arrestuar dhe pas intervistimit dhe inicimit të rastit me vendim të prokurorit është liruar në procedurë të rregullt.
Kurse në Rahovec është arrestuar një i dyshuar, pasi që i njëjti nën ndikim të alkoolit, ka fyer dhe kanosur bashkëshorten e tij. Me vendim të prokurori, i dyshuari është dërguar në mbajtje dhe në Pejë është raportuar një e dyshuar femër, në vazhdimësi është duke u shkaktuar dhunë në familje. Nuk raportohet për të arrestuar ndërsa lidhur me rastin është njoftuar prokurori.
