Presidenti rus, Vladimir Putin, ka propozuar bisedime të drejtpërdrejta paqeje me Ukrainën më 15 maj në Stamboll. Putini iu drejtua publikut disa orë pas përfundimit të një pauze tre-ditore të vetëshpallur në sulmet ndaj Ukrainës. Ai tha se Rusia po propozon bisedime të drejtpërdrejta me Ukrainën në Stamboll të enjten, më 15 maj, në një përpjekje për të “eliminuar shkaqet rrënjësore të konfliktit” dhe “për të arritur rivendosjen e paqes afatgjatë dhe të qëndrueshme”.
Rusia kreu një agresion kundër Ukrainës në shkurt të vitit 2022. “Nuk ishte Rusia ajo që i ndërpreu negociatat në vitin 2022. Ishte Kievi. Megjithatë, ne propozojmë që Kievi të rifillojë negociatat e drejtpërdrejta pa asnjë parakusht”, tha Putin, duke iu referuar negociatave të dështuara menjëherë pas pushtimit rus. “Ne u ofrojmë autoriteteve në Kiev të vazhdojnë negociatat që të enjten, në Stamboll”, tha Putin.
“Propozimi ynë, siç thonë ata, është në tryezë, vendimi tani u takon autoriteteve ukrainase dhe kujdestarëve të tyre, të cilët duket se udhëhiqen nga ambiciet e tyre personale politike, jo nga interesat e popullit të tyre.”
Vladimir Putin suggests re starting talks that were scuppered by the British and the Biden Regime in 2022.
He suggested beginning negotiations without pre conditions in Turkiye next week. pic.twitter.com/ve3eJx0NH7
— Chay Bowes (@BowesChay) May 11, 2025 “>
Fuqitë e mëdha evropiane mbështetën të shtunën një armëpushim 30-ditor pa kushte në Ukrainë, të mbështetur nga Presidenti i SHBA-së Donald Trump, dhe kërcënuan Putinin me sanksione të reja “masive” nëse ai nuk i pranon ato brenda disa ditësh.
Teksti vazhdon poshtë reklamës
“Ne jemi të përkushtuar për negociata serioze me Ukrainën. Qëllimi i tyre është të eliminojnë shkaqet rrënjësore të konfliktit, të vendosin një paqe afatgjatë dhe të qëndrueshme nga një perspektivë historike”, tha Putin.
Ai tha gjithashtu se “Rusia ka ofruar disa herë iniciativa paqeje, por autoritetet e Kievit nuk u janë përgjigjur asnjërës prej tyre”. Të enjten, Putini shpalli në mënyrë të njëanshme një armëpushim në luftën në Ukrainë, i cili skadoi në mesnatë.
Presidenti ukrainas Volodymyr Zelensky tha se sulmet nuk kishin ndaluar gjatë asaj periudhe dhe akuzoi Putinin se vetëm po bënte sikur po respektonte armëpushimin për të festuar 80-vjetorin e fitores së Bashkimit Sovjetik ndaj Gjermanisë naziste në Luftën e Dytë Botërore me një paradë të madhe ushtarake.
