Pas heqjes së barrikadave në veri të Kosovës, ka reaguar Blerim Vela, shefi i kabinetit të presidentes, Vjosa Osmani.
Ai përmes një postimi në Twitter tha se edhe pse barrikadat në Kosovë të ngritura nga “strukturat ilegale të Serbisë” po hiqen, ajo që mbetet e papranueshme është “përpjekja e regjimit [presidentit serb, Aleksandar] Vuçiq për të ‘normalizuar’ veprimet e fshehta, dhunën dhe kërcënimin e si normë udhëzuese për marrëdhëniet ndërmjet Kosovës dhe Serbisë”.
Ai tha se marrëdhëniet Kosovë-Serbi mund të bazohen vetëm në njohjen reciproke, barazinë dhe reciprocitetin.
“Regjimi i Vuçiqit po pretendon rrejshëm se ka një ‘realitet të ri politik dhe juridik në veri të Kosovës’. Policia dhe institucionet tona po kryejnë detyrat e tyre në të gjithë territorin, përfshirë edhe veriun”, tha ai.
Kosovo – Serbia relations can only be based on mutual recognition, equality and reciprocity.
Vučić’s regime is falsely claiming that there is a new “political & legal reality in north 🇽🇰”.
Our police & institutions are carrying out their duties in all territory, incl the north.
— Blerim Vela (@Blerim_Vela) December 29, 2022
