Partia e Punëtorëve të Kurdistanit, PKK, ka njoftuar shpërbërjen e saj dhe fundin e më shumë se katër dekadave të luftës së armatosur kundër shtetit turk, raportoi agjencia e lajmeve pro-kurde ANF.
“Kongresi i 12-të i PKK-së ka vendosur të shpërbëjë strukturën organizative të PKK-së dhe t’i japë fund luftës së saj të armatosur”, njoftoi grupi i armatosur kurd në një deklaratë, pasi më parë kishte thënë se kishte mbajtur kongresin e tij javën e kaluar.
