Sekretari i Shtetit i SHBA-së, Marco Rubio, tha se në samitin e ardhshëm të NATO-s në qershor, të gjithë anëtarët e saj do të bien dakord të rrisin shpenzimet e mbrojtjes gjatë dekadës së ardhshme në pesë përqind të PBB-së.
Rubio i bëri këto komente në një intervistë me Fox News, pasi mori pjesë në një takim të ministrave të jashtëm të NATO-s në Antalia të Turqisë.
Rritja e objektivit nga 2 në 5 përqind
Shefi i tij, Presidenti i SHBA-së Donald Trump, në mandatin e tij të parë nga viti 2017 deri në vitin 2021, uli fondet për NATO-n, duke u ankuar shpesh se SHBA-të i japin aleancës një shumë të padrejtë krahasuar me anëtarët e tjerë.
“Mund t’ju them se pas gjashtë javësh kemi një takim ku pothuajse çdo anëtar i NATO-s do të jetë në dy përqind ose më shumë të PBB-së, por, më e rëndësishmja, shumë prej tyre do të jenë në mbi katër përqind dhe të gjithë do të bien dakord për një objektiv prej pesë përqind gjatë dekadës së ardhshme”, tha shefi i diplomacisë amerikane.
Ministri i ri i Jashtëm gjerman, Johann Wadephul, tha më parë këtë javë se Berlini mbështet kërkesën e Trump që vendet anëtare të rrisin shpenzimet e mbrojtjes në pesë përqind të PBB-së.
Samiti i NATO-s do të mbahet më 24 dhe 25 qershor në Holandë.
