Të paktën dy persona u vranë kur anija me vela e Marinës Meksikane Cuauhtémoc u përplas në Urën e Bruklinit, njoftoi kryebashkiaku i Nju Jorkut, Eric Adams.
“Nga 277 personat në bord, 19 u plagosën, dy mbeten në gjendje kritike dhe dy fatkeqësisht kanë ndërruar jetë nga plagët e marra”, shkroi Adams në platformën X.
Earlier tonight, the Mexican Navy tall ship Cuauhtémoc lost power and crashed into the Brooklyn Bridge.
At this time, of the 277 on board, 19 sustained injuries, 2 of which remain in critical condition, and 2 more have sadly passed away from their injuries. pic.twitter.com/mlaCX0X8Mh
— Mayor Eric Adams (@NYCMayor) May 18, 2025 “>
Siç konfirmoi një burim policor për CNN, të vdekurit ranë nga një prej direkëve të anijes. Ata u transportuan në një spital aty pranë, ku u shpallën të vdekur.
Një video që qarkullon në mediat sociale tregon direkët e gjatë të anijes me vela Cuauhtémoc që ngecin në urë ndërsa anija kalon nën strukturën e famshme.
Pjesë të direkut ranë mbi kuvertë. Sipas autoriteteve, lëndimet ndodhën sepse disa anëtarë të ekuipazhit ishin mbi direkë në kohën e përplasjes. Kadetë të shumtë detarë të veshur me uniforma të bardha mund të shiheshin duke qëndruar në kuvertë.
| ÚLTIMA HORA — Suben a 35 los heridos, 16 de ellos graves, tras el choque del buque Cuauhtémoc de la Armada mexicana contra el puente de Brooklyn. pic.twitter.com/tVnVWoijxq
— UHN Plus (@UHN_Plus) May 18, 2025 “>
Rrethanat e ngjarjes
Në bord kishte më shumë se 200 persona dhe mbërriti në Nju Jork si pjesë e një vizite miqësore. Mediat lokale raportojnë se anija thuhet se humbi energjinë para përplasjes.
Në një konferencë për shtyp të udhëhequr nga kryetari i bashkisë së Nju Jorkut, Eric Adams, autoritetet raportuan se askush nuk përfundoi në ujë. Kryebashkiaku shtoi se Ura e Bruklinit nuk pësoi ndonjë dëmtim të madh.
Roja Bregdetare e SHBA-së tha se anija kishte humbur majat e dy direkëve, por se të gjithë anëtarët e ekuipazhit ishin gjetur. Të plagosurit u transportuan në spital.
Marina Meksikane konfirmoi se anija ishte dëmtuar dhe se incidenti po hetohej.
Shkaku i aksidentit
Shefi i operacioneve të Departamentit të Policisë së Nju Jorkut tha se besonte që përplasja me njërën nga shtyllat ishte shkaktuar nga “probleme mekanike” dhe një ndërprerje e energjisë elektrike.
Marina Meksikane tha se 22 persona u plagosën, përfshirë tre rëndë, ndërsa kryebashkiaku i Nju Jorkut tha se katër persona u plagosën rëndë.
Njerëzit që po vëzhgonin kalimin e anijes ikën nga skaji i bregut kur direkët goditën urën.
Rreth anijes
Sipas Marinës Meksikane, anija është 90.5 metra e gjatë dhe 12 metra e gjerë. U nis për herë të parë në lundrim në vitin 1982.
Ajo niset çdo vit në fund të mësimeve në shkollën detare si pjesa e fundit e stërvitjes së kadetëve.
Këtë vit, ajo u nis nga porti meksikan i Acapulcos më 6 prill me 277 persona në bord, njoftoi marina. Destinacioni përfundimtar duhej të ishte Islanda.
