Biden postoi një foto në rrjetin social X, ku tregon gruan e tij Jill dhe macen e tij, dhe i falënderoi të gjithë për mbështetjen e tyre.
“Lajmi për kancerin na ka goditur rëndë të gjithëve. Ashtu si shumë prej jush, unë dhe Jill kemi mësuar se jemi më të fortë në momentet kur jem të thyer. Faleminderit që na ngritët moralin me dashurinë dhe mbështetjen tuaj”, tha Biden.
Ju kujtojmë se lajmi për kancerin dhe diagnozën e Bidenit u njoftua nga zyra e tij personale.
“Javën e kaluar, Presidenti Biden iu nënshtrua një ekzaminimi mjekësor për shkak të një rritjeje të sapozbuluar në prostatën e tij, pasi kishte probleme të rënda urinare. Të premten, ai u diagnostikua me kancer të prostatës, me një rezultat Gleason prej 9 (Grupi 5), me metastaza të konfirmuara në kocka”, thuhet në deklaratë.
Shtohet se, megjithëse është një formë më agresive e sëmundjes, kanceri duket se është i ndjeshëm ndaj hormoneve, gjë që lejon një trajtim më efektiv.
