Tifozet e KF LLapi kërkojnë sqarim publik nga klubi i tyre rreth zhdukjes se biletave

Tifozët e KF LLapi i jane drejtuar pulikisht klubit të tyre lidhur me zhdukjen e biletave të cilat u kanë paguar bizneset si formë e mbështetjes së këtij formacioni të futbollit. Duke u bazuar në burime të tyre ata theksojnë se  1.850 bileta janë paguar nga bizneset për tifozerinë e KF Llapit, me qëllim përkrahjen e ekipit dhe tifozëve. Ndërsa sipas tyre , vetëm 500 bileta janë shpërndarë te tifozët. Me këtë rast ata kërkojnë përgjigje nga ky klub pse janë  shitur bileta të reja pa u shpërndarë ato që janë paguar më herët. “Ku ndodhen 1350 biletat e mbetura?”, pyesin ata në një letër publike duke theksuar se e kanë obligim të  kërkojnë transparencë dhe përgjegjësi.”Presim një sqarim të thjeshtë dhe të drejtë nga drejtuesit e klubit KF Llapi”, theksojnë ata.