Përfaqësuesja e Lartë e BE-së për Politikë të Jashtme dhe të Sigurisë, Kaja Kallas ka folur për të ardhmen e Kosovës në BE dhe stabilitetin në rajon, e cila është e mundshme vetëm përmes dialogut. Ajo ka bërë të ditur, mes tjerash se BE ka filluar gradualisht t’i heq masat ndaj Kosovës, të cilat janë vënë më 2023.
“Normalizimi marrëdhënieve duhet të jetë rruga e vetme për një të ardhme më të sigurt e prosperuese për njerëzit e këtij rajoni. Stabiliteti varet nga dialogu e jo nga konfrontimi”, tha përfaqësuesja e Lartë e BE-së për Politikë të Jashtme dhe të Sigurisë, Kaja Kallas.
Ajo më tej tha se BE ka filluar gradualisht që t’i largojë masat që janë prezantuar në qershor të viti 2023 dhe tani do të jenë mundësi më të mëdha për zhvillimin e Kosovës.
“Si shenjë e përkushtimit tonë mund t’ju njoftoj se BE ka filluar gradualisht që t’i largojë masat që janë prezantuar në qershor të viti 2023 dhe tani do të jenë mundësi më të mëdha për zhvillimin e Kosovës. Që Kosova të zhvillojë lidhjet me BE-në, kjo varet nga de-eskalimi i situatës në veri të vendit”, tha Kallas.
Kallas: Inkurajoj partitë të dalin nga ngërçi e të krijohen institucionet
Përfaqësuesja e lartë e Bashkimit Evropian, Kaja Kallas, e cila për herë të parë po qëndron në Kosovë, në konferencë për media tha se Kosova i përket familjes evropiane, por nuk ka rrugë të shkurtra për të arritur në BE. Ajo tha se përparimi arrihet vetëm përmes reformave të qëndrueshme.
Sipas saj , Kosova duhet fillimisht të dorëzojë agjendën e reformave në mënyrë që të përfitojë nga Plani i Zgjerimit, por kjo tha ajo bëhet vetëm kur ka institucione funksionale, për çka u bëri thirrje partive që të dalin nga ngërçi.
“Së pari Kosova duhet të dorëzojë agjendën e reformave e pastaj do të jetë e pozicionuar ashtu siç duhet për të përfituar nga Plani i Zgjerimit, dhe që kjo të ndodhë, Kosova duhet të ketë institucione funksionale që në mënyrë efektive mund të zbatojnë reformat. Për këtë arsye i inkurajoj gjitha partitë politike që të dalin nga ky ngërç politik që Kosova të përfitojë nga përkrahja jonë”, tha ajo.
Tutje Kallas deklaroi se Kosova ka bërë një përparim të dukshëm për forcimin e institucioneve në vitet e fundit si dhe misioni i EULEX vazhdon që të mbështesë sundimin e ligjit në Kosovë, por theksoi ajo se prapë se prapë korniza aktuale politike po e mban mbrapa.
Ajo theksoj se formimi i vendit dhe i qeverisë është esencial për stabilitetin e Kosovës për rritje si dhe për të ardhmen evropiane.
“I inkurajojë të gjithë akterët politik dhe tërë spektrin politik që të bashkëpunojnë ndërmjet veti dhe me komunitetet e përfaqësuara në Kosovë”.
Kallas po ashtu deklaroi se Bashkimi Evropian është i gatshëm që të përkrah Kosovën,, por prapë theksoi se udhëheqësit politik duhet të lenë anash ndarjet dhe ta kenë prioritet të ardhmen e Kosovës.
