Ambasada e Gjermanisë në Kosovë, në Facebnook ka bërë të ditur se nxënësit që fituan garën në gjuhë gjermane ishin të ftuar në rezidencë te ambasadori Jorn Rohde.
Ambasada, ka njoftuar se në kuadër të Ditëve të Gjuhës Gjermane, shtatë nxënës të talentuar u nderuan për esetë e tyre të shquara, shumë prej të cilave reflektuan përvojat personale mes Gjermanisë dhe Kosovës, duke theksuar lidhjen e thellë mes dy vendeve.
“Fituesit, së bashku me prindërit dhe mësuesit gjermanë, u mblodhën në Rezidencën e Ambasadorit gjerman për një ceremoni të veçantë çmimesh. Një mysafir surprizë, Kryeministri në detyrë, u ndal për të uruar fituesit dhe theksuar rëndësinë e marrëdhënieve Kosovë-Gjermani”, thuhet në njoftim.
Sipas njoftimit, ishte një pasdite frymëzuese, duke shfaqur potencialin e jashtëzakonshëm të gjeneratës së ardhshme.
“Një falënderim i madh për të gjithë ata që e bënë këtë moment kaq të veçantë!”, thekson ambasada.
