Presidentja Vjosa Osmani në edicionin e tretë të Forumin Ndërkombëtar për Gratë, Paqen dhe Sigurinë, ka paraqitur gratë dhe vajzat shqiptare si ndërtuese të paqes në etapa të ndryshme kohore, teksa ka bërë thirrje për paqe të përgjithshme në gjithë botën si e vetmja rrugëdalje.
Duke u nisur nga përjetimet e luftës në Kosovë, ajo ka përmendur se të njëjtat ngjarje po ndodhin sot në dhjetëra vende të botës. Osmani kështu ka bërë thirrje për paqe, në mënyrë që të garantohet siguria për gratë dhe fëmijët nëpër botë.
“Ne u ngritëm nga hiri, kemi shndërruar traumën në dëshmi, heshtjen në fuqi dhe ne nuk jemi vetë. Për miqtë e mi që po ndjekin këtë Forum nga Bosnja e Hercegovina e deri te shtetet në Azi, Afrikë, Amerikën Latine dhe nga mbarë bota: ne të gjithë ngritemi nga dhimbja që të shfaqim forcën që po ndajmë sot. Sot nga Ukraina te Lindja e Mesme, nga Sudani te Myanmar dhe përreth shumë zonave tjera konfliktuoze, fatkeqësisht gratë dhe fëmijët janë duke përjetuar ngjarjet e njëjta që ne i kemi ndjerë dikur. Pyetja është: A do të kalojmë këtë faqe të librit dhe të bëjmë kinse nuk po shohim çfarë po ndodh apo ne më në fund, do të bëjmë të pamundurën, gjithçka që kemi në duar, ta mbyllim librin e luftës. Le të bëhemi brutalisht të sinqertë, lufta është gjëja më e keqe që njerëzimi ka bërë”, ka thënë ajo.
Osmani: Në Kosovë nuk flasim për paqen nga distanca, gratë e kanë ndërtuar
Presidentja Vjosa Osmani në edicionin e tretë të Forumin Ndërkombëtar për Gratë, Paqen dhe Sigurinë, ka paraqitur gratë dhe vajzat shqiptare si ndërtuese të paqes në etapa të ndryshme kohore, veçanërisht pas mbijetimit të luftës së fundit të Kosovës me shumë humbje.
“Vetëm dy dekada më parë, fëmijët e këtij vendi kanë qenë dëshmitarë të tmerrit që asnjë fëmijë nuk duhet as ta shoh, nënat kanë humbur dhe varrosur fëmijët e tyre si rezultat i luftës. Në kohën më të keqe të vendit, kanë qenë gratë e këtij shteti që kanë mbajtur zemrat tona bashkë. Ato kurrë s’kanë pranuar të shihen si viktima, por si ndërtuese të paqes. Nuk kanë menduar vetëm për lirinë tonë, por për drejtësinë, dinjitetin dhe të ardhmen që ia vlen të jetohet. Ato po vazhdojnë ta bëjnë këtë në çdo ditë që kalon edhe sot”, ka thënë ajo.
Osmani ka thënë se paqja nuk nisë kur ndalen armët, por kur nis transformimi, kur mundësia shndërrohet në prosperitet.
“Ne në Kosovë nuk flasim për paqen nga distanca, ne flasimim për paqen nga pesha e memories dhe me një ndjenjë frike për pikësynimet, dhe me përgjegjësi të thellë për ta përçuar mesazhin ‘kurrë më, kurrë më”, ka thënë Osmani.
Ajo ka folur për rëndësinë e investimeve në fëmijë, si garancë për një të ardhme të sigurt dhe mos përsëritje të luftës si në të kaluarën. Osmani ka shtuar se duhet të ngrihet zëri i atyre që lufta ka tentuar t’i ndal, të ndërtohet një e ardhme që ka për bazë empatinë dhe jo egonë njerëzore.
Ngjarja do të vazhdojë edhe nesër në Prishtinë, teksa pritet të organizohen mbi 30 panele diskutimi, me mbi 150 folës nga më shumë se 45 shtete.
