Kosova ka pranuar një kërkesë për të pranuar emigrantë të deportuar nga Shtetet e Bashkuara të Amerikës, me një plan fillestar për të pranuar 50 të deportuar në vit, tha qeveria në një deklaratë për Reuters të mërkurën.
“Qeveria ka shprehur gatishmërinë për të marrë pjesë, me mundësinë për të përzgjedhur individë nga një listë e propozuar, me kusht që ata të plotësojnë kritere të caktuara që lidhen me sundimin e ligjit dhe rendin publik”, thuhet në deklaratë.
Ky vendim vjen në kuadër të bashkëpunimit të vazhdueshëm mes Kosovës dhe SHBA-së në çështjet e migracionit dhe sigurisë.
Reuters tutje raporton se marrëdhëniet mes Kosovës dhe SHBA-së mbeten të fuqishme, veçanërisht pas rolit udhëheqës që ka pasur SHBA në shpalljen e pavarësisë së Kosovës nga Serbia më 2008.
“E çmojmë thellësisht mbështetjen e tyre,” përfundon deklarata e Qeverisë së Kosovës, raporton Reuters.
