Presidentja e Kosovës, Vjosa Osmani, është pritur sot në një takim zyrtar nga Lartmadhëria e Tij, Perandori i Japonisë, gjatë vizitës së saj në Tokio.
Gjatë këtij takimi të veçantë, presidentja Osmani theksoi rëndësinë e miqësisë së thellë dhe marrëdhënieve të veçanta mes Kosovës dhe Japonisë, të ndërtuara mbi vlera të përbashkëta si respekti dhe besimi i ndërsjellë, njofton zyra për informim e Presidencës.
Osmani shprehu mirënjohjen e popullit të Kosovës për mbështetjen e vazhdueshme që Japonia i ka dhënë vendit tonë ndër vite.
Bëhet e ditur se në përmbyllje të takimit, presidentja Osmani falënderoi Perandorin për mikpritjen dhe i përcolli urimet më të mira popullit japonez për shëndet, mirëqenie dhe përparim të mëtejshëm.
