Izraeli u ka ndaluar qytetarëve të tij të fluturojnë jashtë vendit, duke përmendur shqetësime sigurie pas përshkallëzimit të armiqësive me Iranin.
Sipas Haaretz, qeveria u ka urdhëruar linjave ajrore vendase të mos lejojnë qytetarët izraelitë të hipin në fluturime jashtë vendit, ndërsa rritet frika për hakmarrje të mundshme iraniane kundër aeroporteve izraelite.
Aeroporti Ben Gurion është i mbyllur deri në njoftim të mëtejshëm. Dyshohet se vendimi lindi nga shqetësimet e zyrtarëve të sigurisë në lidhje me rrezikun nëse Irani hakmerret me sulme ndaj aeroporteve.
“Në këtë fazë, ne nuk do t’i lejojmë izraelitët të udhëtojnë jashtë vendit”, tha ministri i transportit i Izraelit.
Ajo shpjegoi se aktualisht vetëm ata që nuk janë shtetas izraelitë, siç janë diplomatët dhe turistët, lejohen të largohen nga vendi.
Kufizimet e udhëtimit pasuan sulmin e Izraelit në aeroportin e Mashhadit të Iranit. Sulmi izraelit ngriti frikën se aeroportet tani mund të shihen si objektiva legjitime.
