Ish-emisari i Bashkimit Evropian në dialogun Kosovë-Serbi, Miroslav Lajcak, në një konferencë të ECFR-së ka folur për mënyrën se si procesi i zgjerimit të BE-së mund të nxisë sigurinë evropiane.
Ai ka theksuar se ky proces nuk mund të ndodhë automatikisht, porse kërkohet më shumë sesa një angazhim formal.
“Në konferencën e këtij viti të ECFR-së diskutuam rreth mënyrës se si zgjerimi mund të nxisë sigurinë evropiane. Theksova se zgjerimi nuk do të ndodhë automatikisht. Ai kërkon më shumë sesa një angazhim verbal, por punë të palodhur dhe vëmendje të vazhdueshme”, ka shkruar diplomati sllovak në platformën X.
