Rruga që shpie drejt pikës kufitare Merdar është rihapur për qarkullim, pas përfundimit të bllokadës së përkohshme nga qytetarët në territorin e Serbisë, është njoftuar nga Qendra Kombëtare për Menaxhim Kufitar.
“Qarkullimi tashmë është i lejuar në të dy drejtimet, luten të gjithë pjesëmarrësit në trafik të qarkullojnë me kujdes të shtuar, për shkak të sigurisë dhe mundësisë së vonesave të lehta”, thuhet në njoftim.
Nga ana e Serbisë bllokohet rruga që shpie drejt Merdares
Qytetarë serbë nga ora 18:00 kanë bllokuar rrugën që shpie në pikëkalimin kufitar në Merdar nga ana e Serbisë, ka bërë të ditur Qendra Kombëtare për Menaxhim Kufitar (QKMF) të martën pasdite, duke bërë thirrje që të shmanget kjo pikë.
Sipas informacioneve të pranuara nga kjo qendër, bllokada është paralajmëruar të nisë nga ora 18:00.
“Me qëllim të evitimit të kësaj rruge dhe pengesave në rrugë që shpiejnë në PKK Merdarë, inkurajojmë udhëtarët që të shfrytëzojnë pikëkalime të tjera kufitare, deri në një njoftim të ri,” thuhet në komunikatën e qendrës.
