Kryetari i Federatës së Futbollit të Kosovës, Agim Ademi, ka njoftuar për një takim në Tiranë me homologun e tij nga Gana, Kurt Edwin Simeon-Okraku.
Gjatë vizitës në selinë e Federatës Shqiptare të Futbollit, ku i pranishëm ka qenë edhe presidenti Armand Duka, Ademi ka thënë se kanë diskutuar për zhvillimet e fundit në futbollin ndërkombëtar dhe për mundësitë e bashkëpunimit mes federatave.
“Në Tiranë pata kënaqësinë të takoj kryetarin e Federatës së Futbollit të Ganës, z. Kurt Edwin Simeon-Okraku. Gjatë vizitës së tij në selinë e FSHF-së, së bashku me presidentin Armand Duka, diskutuam mbi zhvillimet e fundit në futbollin ndërkombëtar dhe mundësitë e bashkëpunimit mes federatave tona. Ishte një shkëmbim i frytshëm mendimesh mbi sfidat dhe përparësitë që sjell futbolli në vendet tona”, ka ka njoftuar Ademi. “Falënderoj z. Okraku për qasjen miqësore, si dhe Federatën Shqiptare të Futbollit për mikpritjen e shkëlqyeshme”.
