GREQIA do të goditet nga një valë intensive e të nxehtit duke filluar nga nesër, e cila do të zgjasë të paktën deri të premten, dhe pritet që gjatë 24 orëve të ardhshme temperatura e ajrit në disa pjesë të vendit të kalojë 44 gradë Celsius, njoftoi sot Shërbimi Kombëtar Meteorologjik në Athinë.
Temperaturat e larta do të shkaktojnë mbërritjen e masave ajrore jashtëzakonisht të ngrohta nga Afrika, të cilat po lëvizin drejt Greqisë dhe Ballkanit, raporton Kathimerini.
Sipas parashikimit të Shërbimit Meteorologjik Grek, temperatura e ajrit nga e hëna deri të premten në Ballkan do të jetë deri në dhjetë gradë më e lartë se vlera mesatare për periudhën nga viti 1991 deri në vitin 2020.
