Policia e Kosovës ka arrestuar një person të dyshuar për të shtëna me armë zjarri gjatë një ahengu familjar në Mitrovicë të Jugut.
Rasti është raportuar mbrëmjen e së enjtes në Stacionin Policor Jugu. Pas pranimit të informatës, njësitet policore kanë ndërmarrë veprime të shpejta operative dhe kanë identifikuar vendin e ngjarjes.
“Në lokacion është sekuestruar një armë të llojit pistoletë dhe pesë fishekë si prova materiale. Si i dyshuar për përdorim të armës është intervistuar S.B., 46 vjeç, shtetas i Republikës së Kosovës”, thuhet në njoftim.
Pas intervistimit në prani të avokatit, i dyshuari është liruar në procedurë të rregullt, ndërsa ndaj tij është iniciuar rasti për veprën penale “Përdorim i armës apo mjetit të rrezikshëm”.
