Një foshnje palestineze gjashtë muajshe, që vuante nga kequshqyerja e rëndë, vdiq të premten në krahët e nënës së saj në Gaza, një nga viktimat më të fundit të krizës së urisë që ka shkaktuar zemërim ndërkombëtar, por që vazhdon të përkeqësohet.
Vajza Zeinab Abu Halib vdiq ndërsa nëna e saj po përpiqej ta çonte në një spital në jug të Gazës.
“Zeinabi ka hyrë e dalë nga spitali për tre muajt e fundit”, tha për CNN nëna e saj, Israa Abu Halib.
“Papritur ndjeva që ajo pushoi së lëvizuri dhe së marrë frymë; trupi i saj u bë më i rëndë,” theksoi Abu Halib.
Zeinab “vdiq nga ndërlikime të kequshqyerjes së rëndë”, theksoi tha Munir al-Boursh, Drejtor i Përgjithshëm i Ministrisë së Shëndetësisë, në një postim në X.
“Ajo u la të tretet derisa u kthye në lëkurë mbi kocka… Më shumë se 260,000 fëmijë nën moshën pesë vjeç në Gaza po vuajnë nga kequshqyerja”, tha al-Boursh.
Ndwrkohw, vendimi i Izraelit për t’i lejuar vendet e huaja të hedhin ndihma nga ajri në territorin palestinez të rrethuar po përballet gjithashtu me kritika në rritje, ky proces është parë më parë si i kushtueshëm dhe i pasigurt.
Sipas një zyrtari të sigurisë izraelite, këto hedhje nga ajri pritet të ndodhin “në ditët në vijim”.
“Hedhjet nga ajri nuk janë një zgjidhje për urinë në Gaza; ato janë një shpërqendrim”, tha Steve Cutts, drejtor i përkohshëm ekzekutiv i organizatës bamirëse britanike Medical Aid for Palestinians.
“Palestinezët në Gaza po vuajnë nga uria jo për shkak të mungesës së ushqimit, por sepse Izraeli po e bllokon atë qëllimisht”, tha Cutts.
“Hedhja e ndihmave nga qielli nuk mund të përmbushë nevojat kolosale të 2.3 milionë njerëzve dhe as të zëvendësojë shpërndarjen e sigurt dhe të koordinuar të ndihmave që mund të ofrohet vetëm përmes pikave tokësore të kalimit.”
Juliette Touma, drejtoreshë e komunikimit për Agjencinë e Kombeve të Bashkuara për Ndihmën dhe Punën për Refugjatët Palestinezë (UNRWA), thotë se hedhja e ndihmave nga ajri në Gaza është si e kushtueshme ashtu edhe e rrezikshme. Izraeli e ka ndaluar UNRWA-n të operojë në Gaza pasi e akuzoi se disa nga punonjësit e saj ishin të përfshirë në sulmin e 7 tetorit.
“Në përgjithësi, në situata humanitare, hedhjet nga ajri përdoren si mjet i fundit. Ato janë shumë, shumë të kushtueshme dhe mund të jenë mjaft të rrezikshme”, i tha më herët Touma CNN-it, duke shtuar se “në kontekstin e Gazës, ne e dimë se hedhjet nga ajri nuk kanë qenë shumë të dobishme dhe në disa raste kanë pasur viktima”.
Mbretëria e Bashkuar po nxitohet të ngarkojë ndihmat në avionë për në Gaza, pas vendimit të Izraelit për t’i lejuar vendet e huaja të hedhin ndihma nga ajri për të lehtësuar urinë në territorin palestinez.
Kryeministri britanik, Keir Starmer, tha se ndryshimi i politikës nga Izraeli ka ardhur “shumë vonë”, por premtoi se “do të bëjmë gjithçka që mundemi për të çuar ndihma brenda,” në një deklaratë me video në X.
Izraeli do të lejojë hedhjet në ditët në vijim, me Jordaninë dhe Emiratet e Bashkuara Arabe që do të udhëheqin operacionin, tha një zyrtar izraelit i sigurisë të premten.
Hedhjet e fundit nga ajri në Gaza ndodhën në tetor 2024 dhe u dënuan në atë kohë si të rrezikshme dhe të pamjaftueshme për të përmbushur nevojat e gazianëve.
Në mars 2024, CNN raportoi se të paktën pesë persona u vranë kur pako ndihmash të
