“Lajm i shkëlqyeshëm për Kosovën!”. Kështu e përshkuar presidentja e Kosovës, Vjosa Osmani vendimin e Administratës Trump për vazhdimin e Kompaktit të MCC për Kosovën.
“Mirënjohje e thellë për Shtetet e Bashkuara të Amerikës”, ka shkruar Osmani pas vendimit që Kosova të jetë pjesë e Korporata e Sfidës së Mijëvjeçarit.
“Pas takimeve të shkëlqyeshme në Uashington D.C ku diskutuam për rëndësinë e Kompaktit të MCC për Kosovën, jam informuar edhe zyrtarisht nga Zv.Sekretari amerikan i Shtetit, Christopher Landau, se Administrata Trump ka miratuar vazhdimin e këtij programi për Kosovën, një program me ndikim transformues për sektorin e energjisë dhe zhvillimin ekonomik të vendit tonë”, shkruan Osmani.
Programi i MCC-së, i njohur për ndikimin e tij transformues në vendet partnere, do të kontribuojë në përmirësimin e infrastrukturës energjetike dhe do të ndihmojë në krijimin e mundësive të reja ekonomike për qytetarët e Kosovës.
Ky hap tregon edhe një herë thellësinë e marrëdhënieve ndërmjet Kosovës dhe Shteteve të Bashkuara.
