Një tërmet me magnitudë 3.1 ballë të shkallës Rihter u regjistrua vonë mbrëmë në juglindje të distriktit italian të L’Aquila-s, njoftoi Instituti Kombëtar Italian i Gjeofizikës dhe Vullkanologjisë (INGV).
Sipas të dhënave paraprake, epiqendra e tërmetit ndodhej pranë qytetit Bizenja, ndërsa hipoqendra ishte në një thellësi prej rreth 18 kilometrash, raporton sot agjencia italiane e lajmeve ANSA.
