Qendra Kinematografike e Kosovës (QKK) ka njoftuar se ka formuar Këshillin e ri profesional. Sipas njoftimit ky këshill në përbërje të: Eroll Bilibani, Agnes Nokshiqi, Nita Deda, Urtina Hoxha dhe Brikena Mulliqi, përfaqësuese e MKRS-së, është emëruar me vendim të Qeverisë dhe në pajtim me legjislacionin në fuqi.
“Ky këshill do të luajë një rol kyç në mbështetjen e Qendrës Kinematografike, duke ndihmuar institucionin të zhvillojë dhe përmirësojë politikat dhe iniciativat që shërbejnë filmbërësve në Kosovë”, thuhet në njoftim.
Sipas Ligjit për Kinematografinë, të miratuar në 2023-ën, Këshilli profesional i QKK-së, përbëhet prej pesë anëtarëve dhe ka mandat katër vjeçar, me mundësi të rizgjedhjes.
