Një person ka humbur jetën si pasojë e një aksidenti me traktorin e tij. Ngjarja tragjike ka ndodhur të dielën në Lipjan.
Policia e Kosovës njofton se rasti ka ndodhur më 17 gusht rreth orës 10:45, kur viktima, mashkull kosovar, dyshohet se “nga pakujdesia e ka ndezur traktorin në mënyrë të parregullt derisa ishte në shpejtësi, dhe si pasojë traktori ka lëvizur në mënyrë të pakontrolluar duke e goditur viktimën”.
“Lidhur me rastin vdekja e viktimës është konstatuar në emergjencën e qytetit, ndërsa njësitet policore kanë dalë në vendin e ngjarjes. Me vendim të prokurorit trupi i pajetë është dërguar në IML për obduksion”, thuhet në raportin ditor të Policisë së Kosovës.
