Kreu i PDK-së, Memli Krasniqi ka përsëritur qëndrimin e kësaj partie se nuk votojnë emra nga kabineti qeveritar.
“Përmes zëvendëskryesueses së Kuvendit, deputetes Sala Jashari u munduam ta kemi miratimin e kërkesës për pauzë 10 minutëshe, Dehari e shpërfilli fare e që sot do të mund të ishte mundësia më e mirë për ta votuar kryetarin e Kuvendit qoftë edhe nëse ai do të ishte Dimal Basha”, ka thënë ai, pas dështimit të konstituimit për herën e 57-të pas tri propozimeve për kryekuvendar.
Krasniqi ka bërë thirrje që në seancën e radhës në rast të dështimit të një propozimi, të jepet pauzë për konsultë ndërmjet grupeve parlamentare.
“Ata që s’janë ministra mund ta kenë votën tonë. Sot ka mundur të jetë ai Dimal Basha. Por arroganca e tyre duhet të kuptojnë që s’e kemi borxh ta votojmë VV-në”, ka thënë Krasniqi.
As Hekuran Murati, Arbërie Nagavci e as Dimal Basha s’arriti t’i marrë votat e mjaftueshme në seancën konstatuese të mbajtur të dielën.
