Kreu në detyrë i qeverisë i ka shprehur diplomates së re finlandeze mirënjohjen për mbështetjen që shteti të cilin ajo përfaqëson, ka pasur ndaj Kosovës në rrugëtimin euro-atlantik.
“Kryeministri shprehu mirënjohjen për mbështetjen e vazhdueshme të Finlandës ndaj Kosovës, para, gjatë dhe pas shpalljes së pavarësisë, duke vlerësuar kontributin e saj përmes FINNIDA-s, si dhe mbështetjen në rrugëtimin euro-atlantik të Kosovës. Ai theksoi progresin demokratik dhe ekonomik të Republikës së Kosovës, si ndër demokracitë më të avancuara në Ballkanin Perëndimor dhe si vend i përafruar plotësisht me politikën e jashtme dhe të sigurisë së Bashkimit Evropian”, thuhet në njoftimin që ka përcjellë qeveria.
Tutje, sipas njoftimit, kryeministri ka shprehur përkushtimin në thellimin e bashkëpunimit në fushën e edukimit, inovacionit dhe teknologjisë, si dhe mbrojtjes dhe sigurisë.
