Presidenti i SHBA-së, Donald Trump, ka njoftuar se disa liderë evropianë do të vizitojnë Shtetet e Bashkuara sot dhe nesër për të diskutuar mënyrat e zgjidhjes së luftës Rusi-Ukrainë.
Duke folur me gazetarët pas kthimit nga turneu i tenisit US Open në Nju Jork, Trump tha gjithashtu se së shpejti do të flasë me presidentin rus Vladimir Putin. “Disa udhëheqës evropianë po vijnë individualisht në vendin tonë”, shtoi Trump.
Nuk dihej se për kë po fliste Trump dhe Shtëpia e Bardhë nuk iu përgjigj menjëherë një kërkese për detaje të mëtejshme.
Gazetarët e pyetën atë në lidhje me sulmin masiv rus.
Trump vuri në dukje se nuk ishte “i kënaqur” me situatën pasi gazetarët e pyetën për sulmin masiv ajror rus të djeshëm që goditi një ndërtesë qeveritare në Kiev.
Megjithatë, ai përsëriti besimin e tij se lufta do të mbaronte së shpejti. “Situatën Rusi-Ukrainë, ne do ta përfundojmë”, tha Trump.
