Agjencia e Shoqërisë së Informacionit (ASHI), në bashkëpunim me Ministrinë e Mjedisit, Planifikimit Hapësinor dhe Infrastrukturës (MMPHI), ka lansuar 22 shërbime të reja digjitale në platformën e-Kosova, të cilat i dedikohen sektorit të autoshkollave dhe profesionistëve të përfshirë në këtë fushë.
Shërbimet e reja përfshijnë: aplikime për licencim dhe rilicencim të autoshkollave, ligjëruesve profesionalë, instruktorëve të vozitjes dhe pyetësve teorikë/praktikë; kërkesa për ndryshim, ndërprerje të veprimtarisë apo verifikim të angazhimeve; regjistra të detajuar për secilën kategori profesionale, etj.
Të gjitha këto shërbime tashmë janë të qasshme online përmes platformës zyrtare: https://ekosova.rks-gov.net
