Instituti Hidrometeorologjik i Kosovës ka bërë të ditur se moti për ditën e sotme do të karakterizohet nga kushte të ndryshueshme atmosferike. Gjatë ditës pritet të mbajë mot kryesisht me diell dhe vranësira të pjesshme.
Sipas parashikimeve, në disa zona vranësirat mund të sjellin reshje të shkurtra lokale, të shoqëruara me shkarkime rrufesh, veçanërisht gjatë orëve të pasdites.
Temperaturat minimale do të lëvizin ndërmjet 11 dhe 14°C, ndërsa ato maksimale pritet të jenë në intervalin 25 deri 29°C, duke krijuar kushte për një ditë të ngrohtë dhe të këndshme në pjesën më të madhe të territorit.
Do të fryjë erë e lehtë nga drejtimi i veriperëndimit, me shpejtësi prej 1 deri në 6 metra në sekondë.
